D’Mischig macht’s us.

Full-Service

Mir begleitet Sie vom erstä Briefinggspröch bis zur Kontrolle vo de letztä Rächnig. Debi gsehmer eus nöd nur als Werbegeldtreuhänder sondern viel meh als kritische Partner mit vilne Idee und emene Hang zur Perfektion.

Media Strategie

Sie wend sälber buechä und abwickle? Keis Problem! Gern erstellemer Ihne dezue ä Mediastrategie und empfehled Ihne, weli Medie sich i welere Situation sinnvoll ihsetze lönd sowie weli Mediaziel mit em verfügbare Budget realistisch sind.

Zielgruppeanalüse

Sie kenned Ihri Chunde – aber kenned Sie au Ihri potentielle Neuchunde? Wie setzt sich d‘Zielgruppe soziodemographisch zämme? Wie isch s‘Medieverhalte? Wo und wänn erreicht mer d‘Zielgruppe am beste und mit welere Qualität?

Marktanalüse

Gäbed Sie meh Gäld us als Ihri Konkurrenz? Gönd Sie Ihre eigene Wäg oder mached Sie was all andere au mached? Mir verschaffed Ihne än Überblick über d‘Marktaktivitäte vo Ihrne Konkurrente und berated Sie bi dä Wahl vonere entsprächende  Wettbewerbsstrategie.

Online

Ob Suechmaschinämarketing, Displaywerbig, Mobilewerbig, Social Media oder Beratig bezüglich em rasant wachsende Online-Beriich – mir sind für Sie da! Bruucht mer hüt en eigene Blog – und wie gsehts mit emene Instagram oder YouTube-Kanal us? Mir planed für Sie sämtlichi Onlinemassnahme und lifered Ihne d‘Kennzahle mit eusem eigene AdServer au grad sälber us.​

Modelling

Quod Erat Demonstrandum. Zweimal ei Wuche Radiowerbig oder doch zwei Wuche nachenander? Online in Kombination mit TV oder doch lieber Plakat? Was bringt dä neu Werbebotschafter oder dä neu Uftritt? Wie starch beiiflusst s‘Wätter dä Umsatz? Mir chönd Ihne alles bewiise!